Dat du min Leevsten büst

1.
Dat du min Leevsten büst, dat du woll weeßt.
|: Kumm bi de Nacht, kumm bi de Nacht, segg wo du heeßt. :|

2.
Kumm du üm Middernacht, kumm du Klock een!
|: Vader slöpt, Moder slöpt, ick slaap alleen. :|

3.
Klopp an de Kammerdör, fat an de Klink.
|: Vader meent, Moder meent, dat deit de Wind. :|

4.
Kumm denn de Morgenstund, kreiht de ol Hahn.
|: Leevster min, Leevster min, denn mösst du gahn. :|

5.
Sachen den Gang henlank, lies mid de Klink!
|: Vader meent, Moder meent, dat deit de Wind. :|